Translate - Traductor

sábado, 31 de agosto de 2013

FEIRAS, FESTAS E ROMARIAS.- en Abegondo un Curruncho das Mariñas

FEIRAS, FESTAS E ROMARIAS



Un resúmen do publicado en "Abegondo un Curruncho das Mariñas" no apartado referido á feiras, festas e romarías, publicado no ano 1996.


C A P I T U L O   11
FEIRAS, FESTAS E ROMARIAS


11.1- FEIRAS: A feira de mais sona que queda na memoria dos abegondeses corresponde á de San Marco que se celebraba dúas veces ó mes, na capital municipal, no lugar onde aínda hoxe en día se coñece coma “O Campo da Feira”. Os días de celebración eran os 7 e 25 de cada mes, sendo a mais importantes das de todo o ano a que se celebraba o 25 de abril, coincidindo co día do patrón municipal, San Marco. Ese día xuntábanse os propios feirantes e os romeiros que se acercaban a venera-la imaxe na capela que leva o mesmo nome.
Casetas no Campo da Feira de Abegondo.


Casetas do Campo da Feira de Abegondo

A primeira feira da que se ten conta foi a celebrada o 25 de abril de 1855, data na que o alcalde daquela época, Benigno Mª Folla, fai público un anuncio co gallo de publicita-lo evento, previo consentimento do Gobernador da provincia[1].
Chegou a ser nos do medio deste século un importante punto de encontro dos feirantes da provincia. Contaba con instalación para os propios feirantes, consistentes nunhas casetas feitas en ladrillo e cemento, as cales cerraban o campo case en todo o seu perímetro[2], así como abrevadeiros para o gando. Moitos dos feirantes que se achegaban a Abegondo desprazábanse en autobuses que viñan dende zonas de Carral, Betanzos e a bisbarra da capital provincial.
Escudo municipal aprobado no último tercio do século XIX
O remate da década dos setenta foi minorando a concurrencia que deu pé a súa total desaparición, correndo a mesma sorte que as de Porzomillos (Oza dos Ríos)[3], As Travesas (Carral)[4], Guísamo, etc. As instalacións do “Campo da Feira” co paso do tempo foron sufrindo unha xeira de modificacións que deron pé a súa total desaparición, xurdindo novas construccións, como a centraliña telefónica ou o palco da música.
Antigamente houbo un tempo en que as feiras era o único medio para poder comercializa-los productos que se colleitaban polos labregos e gandeiros. Por elo era moito mais frecuente atopa-la organización de feiras en distintas localidades, aínda mesmo dentro de cada concello, na meirande parte dos casos, fomentadas polas propias autoridades municipais. Neste caso atópase Abegondo, en que no ano 1868 a corporación acordou, baixo a supervisión do Goberno da provincia, a creación dunha feira na parroquia de Sarandóns, co gallo de poder mercar e vender toda clase de gandos, graos, paños e froitas. A ubicación da feira era no lugar da Calle, frente á casa de Laureano María Muñoz, que fora priorato[5], fixando os segundo sábados de cada mes coma o día de celebración[6]. No ano 1872, por falta de concurrentes ás ultimas feiras, o 19 de agosto daquel ano, a corporación municipal adopta o acordo de traslada-lo día de celebración da feira para os segundos luns de cada mes, tratando dun xeito coactivo a asistencia dos veciños á mesma. Neste senso o acordó adoptado foi redactado do seguinte xeito:
Nas inmediacdions da igrexa parroquial de Sarandóns e
do denominado "Convento" celebrabase a feira no século XIX.
“… que la feria que se celebra mensualmente en Sarandones que quedando en el olvido por falta de concurrentes, se excite nuevamente al público su celebración el 2º lunes de cada mes en el sitio denominado de la Calle; a donde deberán concurrir toda clase de ganado y toda clase de cereales y artículos de comer y beber, dándose la debida publicidad. Los Pedáneos de las parroquias se les dirigirán circulares para que personalmente casa por casa para que al menos de cada una, concurra una persona con cualquier clase de ganado, granos u otra clase bajo la responsabilidad de dichos pedáneos[7].

Outra feira da que se ten conta é a que se celebraba na parroquia de Orto. Neste senso, o concello no ano 1875 acordo reestablece-la feira que se celebraba no souto de Santa Margarida, fixando os días de celebración os 13 de cada mes. Neste ano, como medida de fomento desta feira o concello acorda que a mesma sexa libre de toda clase de dereitos, celebrando concursos con importantes premios para os mellores exemplares de gando[8].

11.2- FESTAS E ROMARIAS: Hoxe en día perdura como reflexo das festas e romarias que antigamente se celebraban, a da Virxe dos Remedios que no mes de setembro se celebra en Sarandóns. As festas populares que hoxe coñecemos que se veñen a celebrar nas parroquias con mais ou menos intensidade, segundo a propia organización que cada unha teña, están adicadas ós respectivos patróns.
Procesión baixando Ardexurxo (Sarandóns)



Evento relixioso diante da Capela de San Xoan (Sarandóns)

Relacionanse a continuación as romarías de mais sona que nas últimas décadas xuntaban a centos, por non decir nalgún caso milleiros, de romeiros de toda a bisbarra de tal xeito que aínda algunha perdura nos nosos días.

Romaría da Virxe dos Remedios: Celébrase no mes de setembro seguindo unha tradición secular. O día mai importante é o último domingo do mes. O anterior, é decir o penúltimo domingo do mes de setembro, coñécese coma a “romería pequena”. Na actualidade segue a ser punto de encontro de centos de romeiros que acuden dende primeiras horas da mañá ás misas que se celebran na parroquial. O mediodía, se o tempo o permite, os prados á beira do río Barcés dan acollida ós que optan por xantar ó aire libre.

Romaría da Saleta: Celebrábase ata non hai moito tempo na parroquia de Presedo o 19 de setembro. Hoxe en día únicamente se celebran as festas patronais típicas de outras festas do verán. A igrexa parroquial está ubicada no lugar chamado “Campo da Saleta”, adicado a esta romaría.

Romaría de San Amaro: Venerábase a este santo nunha capela, hoxe en día case totalmente derrubada, na parroquia de Figueiroa. Estaba ubicada ó norte da parroquia, preto do linde coa de Montouto[9].

Romaría de San Andrés: No mes de agosto celebrábase esta romaría de sona na bisbarra ata case mediados deste século na parroquia de Crendes, no lugar de Vilar, preto da capela do mesmo nome.

Romaría das Cereixas: Celébrase na parroquia de Vilacoba no primeiro domingo de xullo. Estivo a piques de desaparecer, ata que hai uns anos os veciños traballaron para reorganizala e fomenta-la asistencia dos romeiros. Celébrase hoxe en día nas inmediacións da recén reconstruída igrexa parroquial, mentres que hai uns anos era ó lado da capela de San Paio.

Romaría de San Campio: Romaría da parroquia de Limiñón a cal coincidía co primeiro domingo de setembro. Considerado este santo como un avogado para a recolleita do trigo e para combati-lo “caruncho”, os romeiros achegábanse a ofrecerlle a San Campio boas coleitas no campo. Desapareceu totalmente ó estala-la guerra civil de 1936.

Portada de Abegondo un Curruncho das Mariñas






[1] BOP 6 de abril de 1955.
[2] Parte delas foron construídas e arranxadas co remanente dos cartos recadados para a reconstrucción da casa do concello por mor do incendio sufrido en 1948.
[3] Coñecida popularmente coma a “Feira do Vinte”.
[4] Trasladada posteriormente a Carral.
[5] Pola descripción dada no anuncio publicado polo concello no BOP do 26 de xuño de 1868, débese entender que está preto do que hoxe en día coñecemos coma “O Convento”, ó lado mesmo da estrada que vai de Carral a Montouto.
[6] A inauguración levouse a cabo o día 11 de xullo de 1868.
[7] BOP 28 de agosto de 1872.
[8] BOP 4 de xuño de 1875.
[9] E. Carré Aldao, fai mención desta romaría na súa obra “Geografía del Reino de Galicia”.


miércoles, 14 de agosto de 2013

BANDA DE MUSICA DE ABEGONDO (BMA)

BANDA DE MUSICA DE ABEGONDO
(BMA)



Foto da Banda de Música de Abegondo o 25 de abril de 2012.
Foto: "José Lagares Fotografía"
.



Localización:
Término municipal:  Abegondo
Provincia:  A Coruña



ESTA A DISPOSICION DO PUBLICO
EXEMPLARES DE "DVD" DO CONCERTO CELEBRADO NO TEATRO COLON 
O 16 DE ABRIL DE 2015 DE



PROXIMO EVENTO MUSICAL:






Sábado 9 de xaneiro de 2016

As 22:00 horas
Sala LP 45 de Ordes
LOS KEY EN CONCIERTO  (Banda de Música de Abegondo

Para mais información do evento (cantantes, programa, puntos de venta anticipada de entradas, etc...)  PINCHAR AQUI

Para saber da localización e como chegar á Sala LP 45 de Ordes PINCHAR AQUI



Reportaxe do concerto:


















========


Vídeo informativo do próximo evento musical LOS KEY EN CONCIERTO que se celebrará o sábado 9 de xaneiro de 2016 na Sala LP 45 de Ordes (A Coruña)







El Comarcal de La Voz de Galicia; marzo de 2016




Domingo 6 de septiembre de 2015; la Banda de Música de Abegondo ofrecerá su último concierto de verano. Será en San Tirso de Mabegondo, dentro del programa de las fiestas patronales de la parroquia.









Noticia recogida en EL ENTORNO METROPLITANO
del mes de agosto de 2015




******************************



19 de xuño de 2015 (venres)



Xosé Ramón Gayoso e Lucía Regueiro, presentadores do
programa "LUAR" da TVG




A Banda de Música de Abegondo o venres 19 de xuño de 2015 actuou no programa da Televisión de Galicia LUAR, un dos programas de mais audiencia desta canle, que se mantén dende o ano 1992.

A BMA fixó así a súa primeira aparición na TVG interpretando unha das pezas musicais que están incluídas no disco denominado LOS KEY EN CONCIERTO, Nesta ocasión o vocalista que estará coa agrupación musical abegondesa é o recoñecido Tito Calviño.


Para saber mais de LOS KEY EN CONCIERTO (pinchar AQUI)

Vídeo da actuación de  Tito Calviño. e a Banda de Música de Abegondo interpretando ADIOS A ESPAÑA.




--------------


CALENDARIO DE ACTUACIONS   Verano 2015
última actualización. 18/06/2015


XUÑO

Sábado 20.- En A Coruña. Programa Hogueras de San Juan. Concerto na Praza do General Mola (Entre rúa San Andrés e rúa Real)

Luns 22.- Pasarrúas en A Coruña.

Luns 29.- Pasarrúas e concerto en Ponte do Porto (Camariñas)


XULLO

Sabado 4.- Concerto en Oza dos Ríos (Oza-Cesuras)

Sábado 25.- Concerto en Arteixo.

Domingo 26.- Concerto en Touro


AGOSTO

Domingo 2.- Concerto en Coirós

Sábado 15.- Concerto en Laxe

Domingo 30.- Concerto en Corme


SETEMBRO

Domingo 6.- Concerto en San Tirso de Mabegondo (Abegondo)






VIDEO FELICITACION NADAL 2014 da
BANDA DE MUSICA DE ABEGONDO
a tod@s @s amig@s e simpatizantes.







EVENTO MUSICAL para el proximo jueves 16 de abril de 2015.-  LOS KEY EN CONCIERTO.- 45 ANIVERSARIO.

Concierto que se realizará en el Teatro Colón a partir de las 21 horas.  Más información pinchando en este ENLACE (Aqui)


Cartel anunciador del evento musical denominado
LOS KEY EN CONCIERTO.-. 45 ANIVERSARIO
Banda de Música de Abegondo











A Banda de Música de Abegondo é unha agrupación musical radicada no término municipal de Abegondo (A Coruña) das mais recentes que existen hoxe en día na comarca. Está composta por mais de 40 músicos de todas as idades. Como consecuencia das actividades desenvoltas na Escola Municipal de Música de Abegondo dende hai anos; un grupo de alumnos da mesma, como consecuencia da súa inquedanza musical e tamén de mestres da mesma, promoven pouco a pouco a idea de formar unha Banda de Música e así dar a coñercer ó público os seus avances.



E así como un grupo de alumnos e de pais de menores constituíron unha asociación denominada “Agrupación Musical de Abegondo” na cal se integra a Banda de Música de Abegondo (BMA), tendo como obxetivo principal a de xestionar, patrocinar e potenciar toda a actividade relacionada coa vida da Banda de Música de Abegondo (BMA). Conta con numerosos socios protectores de toda a comarca.

O seu director é o mestre Pablo Alvarez Rodríguez, integrándose tamén na BMA mestres da Escola Municipal de Música, como é o caso de Alejandro Montes, Diego Moar, Javier Pardiñas, Pedro Pintos Rodríguez e Angel Loureiro Louro.

En abril de 2012 ofreceu o seu primeiro concerto en público en Abegondo, na Festa da Terceira Edade, no Pavillón Municipal “San Marcos”, e ós poucos dias, na parroquia de Cabanas organiza a “I Romaría da Banda de Música”, sendo un éxito de público.

Cartel da "I Romería da Banda de Música
de Abegondo".

Logo deste evento comenzou a súa andaina de concertos no verano do 2012 por varios puntos da provincia de A Coruña. O primeiro deles na cidade de A Coruña, dentro do "Programa de Hogueras de San Juan", e algúns outros incluídos dentro do Programa da Rede Cultural que organiza a Deputación Provincial de A Coruña.


ANO 2012


Outras actuacións durante este primeiro ano en que desenvolve actuacións musicais ó público foron nas localidades de Sarandóns (Abegondo), en Carral nas Festas do Socorro, en Muxía nas Festas da Virxe da Barca e nas festas patronais de Guiliade (Betanzos).


              

  



O concerto ofrecido no mes de xullo en Oza dos Ríos foi un dos formaban parte da programación da Rede Cultural da Deputación Provincial de A Coruña.



No mes de novembro organizou tamén en Oza dos Ríos un concerto no Restaurante "El Moderno" conmemorando a Santa Cecilia, patrona dos músicos, convertíndose tamén nunha pequena homenaxe ós socios da Agrupación Musical.



ANO 2013

Tentando de promover e dinamizar as propostas musicais na comarca, a Banda de Música de Abegondo organizou o 13 de abril de 2013 no edificio "O Salón" de San Tirso de Mabegondo o "I Encontro de Bandas de Música de Abegondo", coa participación da Banda Sinfónica "Adagio Cantabile" de A Coruña, a Prebanda da Escola de Música Municipal de Oleiros e a propia Banda de Música de Abegondo, contando para esta ocasión cun convidado moi especial como foi a presencia do artista Paco Lodeiro que fixo de presentador do encontro.


Nota de prensa en La Opinion, con motivo do "I ENCONTRO DE BANDAS DE MUSICA DE ABEGONDO, organizado
pola Banda de Música de Abegondo



No ano 2013 ten dado concertos en Meangos (Abegondo) con motivo das festas patronais do Santiago Apóstol, así como en Ponte do Porto (Camariñas) en Santa Uxía de Riveira e en Laxe. Ademais de organizar a "II Romería da Banda de Música de Abegondo" na parroquia de Cabanas no primeiro domingo do mes de xuño, volveu a actuar na cidade de A Coruña na programación de festexos das "Hogueras de San Juan"
Cartel referido a II Romaría da Banda de Música
de Abegondo celebrado en Cabanas


Dentro do circuito de localidades donde a BMA actuou neste verán as de San Tirso de Mabegondo, Carral e Sobrado dos Monxes con motivo das festas patronais.

Actuación da BMA en Meangos.

Procesión en Laxe

Antes do remate de actuacións do verán 2013 a Banda de Música de Abegondo tivo tempo de organizar para os escolares de Abegondo, o 25 de setembro, coa estreita colaboración do CEIP "San Marco" e  IES de "Viós" un concerto didáctico no edificio parroquial "O Salón" de San Tirso de Mabegondo, co fin de achegar a Banda de Música e e as súas actividades, ós mais pequenos; animandoos para aqueles que queiran aprender música se inicien na Escola Municipal de Música e así poder integrarse na Banda.

O acto, no que estiveron moi participativos os escolares, centrouse en interpretar bandas sonoras de películas popularmente coñecidas, onde ó mesmo tempo os nenos e nenas podian ir visualizando nunha pantalla secuencias da película en cuestión.





Como remate das actuacións do verán a Banda de Música de Abegondo desprazouse ata Oza-Cesuras para estar ó mediodía na famosa Romaría de Bandoxa, ateigada de público. Como foi habitual durante todo este tempo a BMA estivo acompañada polo GRUPO DE GAITEIROS que interpretan algunhas das pezas do programa que desenvolveu ó longo de todos estos meses. Os seus integrantes tamén forman parte desa gran familia musical que é este colectivo chamado Banda de Música de Abegondo.

Actuación da Banda de Música de Abegondo
na Romaría de Bandoxa


A Banda de Música de Abegondo conta cunha composición musical que leva por título "Banda de Abegondo" dedicada específicamente a ela, composta polo mestre Alejandro Montes, compoñente activo do grupo. A peza musical ven a ser unha estampa galega para banda basada en temas populares das romerías de antano; o cal supón un valor engadido para a música en sí e para a propia BMA.



ANO 2014

O ano 2014 empeza para Banda de Música de Abegondo con forza e ilusión, organizando o 15 de marzo no edificio "O Salón" de San Tirso de Mabegondo o "II Encontro de Bandas de Música de Abegondo", coa participación da Banda de Música de Ordes e a Banda de Música de Cee xunto coa propia BMA. Exito de público e de organización contando para o evento coa inestimable colaboración da actriz e presentadora Lucía Regueiro.





Para a temporada estival deste ano xa ten comprometidas actuacions en varios puntos da xeografía galega: Laxe, Camariñas, Vilacoba, Meangos, Carral, A Coruña ou A Laracha, son algunhas delas. 

O 24 de maio organizou a III ROMARIA DA BANDA DE MUSICA DE ABEGONDO. Este ano na parroquia de San Tirso de Mabegondo, ofrecendo coma noutros anos un día de festa aberto ao público en xeral e aos simpatizantes da Agrupación Musical.

Cartel anunciador da III Romaría da
Banda de Música de Abegondo


O 16 de xullo, día da Virxe do Carmen, patrona dos mariñeiros a BMA viaxou ata Camariñas para participar nos actos dese día. Do evento recolleronse moitas fotos. Unha pequena recopilación aqui: Reportaxe fotográfica (pinchando AQUI). A prensa tamén dou fé do acontecido aquel día.



CAMARIÑAS.- Un momento antes de embarcar
para a celebración da procesión marítima.


CONCERTO DE SANTA CECILIA DEDICADO AOS SOCIOS DA "BANDA DE MUSICA DE ABEGONDO"

Cartel anunciador do "CONCERTO DE
SANTA CECILIA 2014", dedicado
aos socios da BMA


Grabación de CD el domingo 5 de abril de 2015.
El pasado domingo día 5 de abril de 2015 la Banda de Música de Abegondodo grabó su primer CD en Estudios MANS de A Coruña, dentro del programa OUTRA + OUTRA correspondiente al año 2014; el cual se realiza bajo un convenio entre la Diputación Provincial de A Coruña y la Fundación PAIDEIA, dueña de los estudios de grabación.

Los temas musicales de esta grabación son la mayor parte de los que se interpretarán en el Teatro Colón el proximo jueves 16 de abril en el CONCIERTO en homenaje a LOS KEY.

Aquí un pequeño reportaje de este día también importante para la Banda.






















Os enlaces que se publican a continuación poden ser do seu interés:









Publicación en "La Voz de Galicia" en setembro de 2012