Translate - Traductor

lunes, 13 de enero de 2014

PREPARANDO A CARNE PARA O "ENTROIDO"

PREPARANDO A CARNE PARA O "ENTROIDO"




Pasado o nadal non hai galego/a que non pense xa no "Entroido"; nesa festa rachada tan particular como a que se desenvolve por estos lares ibéricos.

O Entroido en Galicia que ven sendo de sona incluso a nivel internacional é o que se desenvolve no famoso triángulo ourensán que forman os concellos de Laza, Verín e Xinzo de Limia, dos moitos que se organizan por estos lares galaicos.

Pero ademais desa troula, das trasnadas, da carallada, da farra...., o que realmente se leva a pana, hai que recoñecelo, dun xeito irremediable na Gallaecia é o porco, que do pobre animal non queda un anaco del por ningures.

Antes deso, osea de papalo, de dar boa conta del, os preparativos xa veñen de meses atrás, de cando o San Martiño, e é así como aínda podemos atopar en casas dos labregos galegos como nas lareiras aínda se afuman as partes mais interesantes do porco para dar boa conta del nos cocidos do entroido.

Aquí unha pequena mostra do que atopamos hai uns días nunha casa desas, do que nos alegramos que non se perdan os valores do bó facer:

Neste primeiro grupo de fotos podemos ver o touciño (tremendo touciño...!!!), o cal usarase, entre outros destinos, para untar a filloeira á hora de facer nas filloas.


Touciño

Panceta

Panceta

Panceta

Panceta e touciño

Touciño



Aquí noutro grupo de fotos os chourizos e codillos....










E para rematar....., unha boa cacheira !!!!







Xamón de recebo ou recebado ??


Outros enlaces que lle poden interesar:




sábado, 4 de enero de 2014

PORTO DE SANTA CRUZ - OLEIROS (A CORUÑA) - MAREA VIVA

PORTO DE SANTA CRUZ (OLEIROS)
MAREA VIVA







Reportaxe fotográfica:

Sábado 4 de xaneiro de 2014.


Tarde desapacible no mes de xaneiro. No momento de marea alta, neste recuncho que sempre é o Porto de Santa Cruz (Oleiros) na  bahía de A Coruña, o temporal deixase notar.





























OUTROS ENLACES QUE LLE PODEN INTERESAR:






jueves, 2 de enero de 2014

PONTE MEDIEVAL DE BELDOÑA // PUENTE MEDIEVAL DE BELDOÑA -- (ABEGONDO - BETANZOS)

PONTE MEDEVAL DE BELDOÑA
PUENTE MEDIEVAL DE BELDOÑA
(Abegondo - Betanzos)




Ponte medieval de Beldoña sobre o río Mero.




Localización:

Lugares:  BELDOÑA  e  GUILIADE.
Parroquias: SAN TIRSO DE MABEGONDO  e  SAN ESTEBAN DE PIADELA.
Concellos: ABEGONDO e BETANZOS.




A ponte medieval de Beldoña está situada a poucos metros, río arriba, da estrada que vai de Betanzos ao Mesón do Vento, entre os lugares de Guiliade (Betanzos) e Beldoña (Abegondo), á man esquerda, no límite xeográfico que o río Mero fai entre os concellos de Abegondo e Betanzos. A poucos metros río abaixo xa atopamos a cola do Encoro de Abegondo - Cecebre, no lugar coñecido como "O PORTANCHO", este último situado entre as parroquias de Crendes (Abegondo) e Piadela (Betanzos).



A construcción primitiva desta ponte data do século II, aínda que foi reparada na Edade Media, convertíndose no único exemplar das súas características que hai na zona e das poucas que quedan na bisbarra. O estilo mais salientable é o romano, reformándose de xeito importante no século XIV. Conta cun só ollo e de forma alombada.














Según consta, por ela pasaba o antigo camiño real que conducía de Betanzos a Santiago de Compostela. Este traxecto era o empregado polos peregrinos que acudían dende Ferrol, outras localidades do norte da provincia de A Coruña, Lugo a parte occidental de Asturias, pasando por Betanzos cara á cidade do Apóstolo. Hoxe en día ese percorrido variou, o cal agora vai cara o mais ó interior, concretamente polo núcleo de Xan Rozo (Betanzos) e por Limiñón e Cos (no concello de Abegondo); coñecido como o “Camiño Inglés”.











Esta ponte foi arranxada na década dos anos 90 logo de sufrir importantes danos no ano 1989 cando foron derrubados os pretís por unha máquina excavadora, danando a súa construcción seriamente.

A Xunta de Galicia no ano 1991 aprobou o recoñecemento desta construcción de arquitectura popular como monumento histórico.

(Resúmen recollido no libro "Abegondo un curruncho das Mariñas"de X.X. Rocha Carro).

OUTROS ENLACES QUE LLE PODEN INTERESAR:






miércoles, 1 de enero de 2014

BIBLIOTABERNA "A GALERIA" - FISTERRA - MUSEO DE UN TABERNICOLA - ROBERTO TRABA

BIBLIOTABERNA "A GALERIA" - FISTERRA
 MUSEO DE UN TABERNICOLA
ROBERTO TRABA

Tarxeta de presentación da Bibliotaberna "A Galería",
e do Tabernícola Roberto Traba.



Localización:
Rúa Real, 25
Fisterra
Provincia: A Coruña


FISTERRA, referencia e referente de Galicia. Terra da xente do mar, o seu faro,...fin do Camiño. ¿Quén non estivo ou non ten referencias exactas de Fisterra?   Fisterra é, e seguirá sendo, un dos moitos sitios de Galicia que é recoñecido no mundo enteiro.

Fisterra, o seu porto mariñeiro, o cabo, o seu faro, o Camiño de Compostela, o de Muxía, a Costa da Morte…, son moitas e importantes as referencias que ten este anaco da nosa terra.

Pero hoxe quero traer aquí dúas cousas: Un sitio e unha persoa. Si, un bar (unha bibliotaberna) e o seu dono (un auténtico tabernícola). Van parellos, van da man. Como non pode ser doutro xeito.

No centro da vila, ó carón da entrada ó porto pesqueiro, temos unha rúa, a Rúa Real. Andamos pouco mais de 50 metros, e á man esquerda atopamos un establecemento. Un bar que ten por nome “A Galería”.

Fachada e porta de entrada de "A Galería".

Se está pechado nese intre non se preocupe (o seu dono tamén ten dereito ao descanso), porque a partir das 18 ou 19 horas abre ó público, e alí atopará un auténtico museo vario e variopinto, onde pode ollar cousas que se cadra nunca imaxinou ter tan ó caron seu. Cousas increíbles de sitios tan dispares e recónditos do planeta, e tamén da propia vila, de Fisterra.

Os amigos, peregrinos e persoas que se sinten partícipes desta iniciativa levada ó efecto por Roberto Traba, van compoñendo esta “bibliotaberna” -museo nun lugar apetecible para as persoas que recalan por terras do Finisterrae.

Interior da bibliotaberna-museo

Unha parte da colección de pedras.

Aquí o visitante pode atopar pedras das montañas mais insospeitadas de calquera dos continentes, ou mesmo auga do río Ganges, ou pode ler algún dos libros que a modo de pequena biblioteca ten nun dos apartados do local; que a súa vez conta tamén cun ordenador con conexión a internet, todo elo con vistas ó porto pesqueiro.


Cada envase ten a súa anotación para que
o visitante non se perda detalle.

Todo perfectamente detallado.



Con futbolín incluído.

Esto que ven aquí é no teito do local....

... non hai recuncho da bibliotaberna que non haxa algo.

Mais estanterías con botes de cristal donde se gardan
os agasallos dos visitantes de "A Galería".

Un teléfono ó peso...

Aquí pode que sexa donde se montan os cirios.....


“A Galería” non é un bar calquera. E un sitio para ir e estar. Para quedarse un bó anaco, para poder ollar, ver, escoitar, conversar. Aquí xúntase o sabor mais mariñeiro e auténtico de Galicia coas multiculturas que afloran coa chegada dos peregrinos a esta parte do mundo.


Mostra tabernícola-fotográfia que se pode contemplar en "A Galería".

A un lado e outro das paredes según se entra na bibliotaberna-museo.


Roberto Traba, home polifacético sen dúbidas, fai deste sitio o su “salón de estar” como él o define. Auténtico dinamizador cultural noutros tempos da vila, tamén estivo durante varios anos publicando no diario La Voz de Galicia artículos sobre historias, e vivencias narradas do mundo de Fisterra. Foron máis de 150 publicacións que logo mais tarde, no ano 2012 foi capaz de velos todos xuntos nun libro titulado "CRONICAS DE FISTERRA", con prólogo e presentación do escritor Manuel Rivas.

Portada do libro "Crónicas de Fisterra"
de Roberto Traba


Dentro das múltiples cousas que o visitante pode ollar está unha vestimenta a modo de casulla que Roberto usa nas ceremonias e rituais que él mesmo compón no conxuro das queimadas que no seu templo-tabernícola organiza. 

Foi ademais pioneiro en abrir un dos primeiros albergues privados aos peregrinos en Fisterra ("O Albergue de Paz", situado na Rúa Victor Cardalda, 11), lugar de destino e de peregrinaxe que hoxe conta por milleiros os que teñen por parada esta vila da Costa da Morte, e que por suposto tamén teñen como referencia “A Galería”.


Parte da indumentaria de Roberto cando
os conxuros das queimadas que se organizan
na Bibliotaberna. 

Como non pode ser menos pola forma de ser e entender a súa bibliotaberna, Roberto tamén lle ofrece ao visitante un libro, a modo de “libro de visitas”, preparado para que os clientes, amigos e visitantes poidan escribir o que lle veña á imaxinación, deixando así constancia da súa presencia.

A día de hoxe xa son varios os tomos que alí ten cheos de dedicatorias, pensamentos, poesías, e quén sabe cantas cousas alí se escribiron, porque hai escritos en moitos idiomas...


Libros onde os visitantes deixan a súa pegada da presencia
en "A Galeria".


Libros que en definitiva plasman a visita de personaxes
do mais variopinto que hai no mundo tabernícola de Roberto.


En definitiva “A Galería” sitio senlleiro, ó igual que o seu propietario-xerente-tabernícola, Roberto Traba, que fan da súa vila, Fisterra, un sitio para visitar.

Eu voltarei con mais tempo para disfrutar do que alí se mostra e para poder charlar outro pouco con Roberto.